बीरगज,४ असार । बीरगन्जमा मोटरसाइकलमा अचानक आगो लागेको छ । बीरगन्जकाे आदर्शनगरस्थित नेपाल ईन्भेष्टमेण्ट मेगा बैंक अगाडि २ वटा मोटरसाईकलमा अचानक आगो लागेको हो ।
नेपाल राष्ट्र बैंकतर्फबाट आएको मोटरसाईकल नेपाल इन्भेष्टमेन्ट मेघा बैंक अगाडि आईपुग्दा एक्कासी आगो लागेको र चालकले रोकेर आगो नियन्त्रण गर्न खोज्दा झन फैलिएपछि त्यहिँ रोकि राखिएको अर्को मोटरसाइकलमा पनि आगो लागेको वडा प्रहरी कार्यालय वीर्ताका प्रहरी निरीक्षक पुष्कर बोगटीले जानकारी दिए ।
प्रदेश ०२–०३–१ ८ प ८२१९ नम्बरको कालो रातो पल्सर र प्रदेश ०२–०३–००१ प ८९०४ नम्बरको रातो कालो पल्सर आगोले जलेर पूर्ण रुपमा क्षति भएको निरीक्षक बोगटीले बताए । ८२१९ नम्बरको मोटरसाईकल बीरगन्ज महानगरपालिका वडा नम्बर ३ बस्ने सत्य कुमार यादवको र अर्को ८९०४ नम्बरको मोटरसाईकल वीरगञ्ज महानगरपालिका वडा नम्बर २० हरपतगंजका मिथिलेश कुमार यादवको रहेको प्रहरी निरीक्षक बोगटीले बताए ।
घटनाको अनुसन्धानका लागि घटना प्रकृति मुचुल्का तयारी गरिएको उनले बताए । उनका अनुसार चर्को गर्मीले धेरै तातिएर शर्ट भई आगोलागेको हुनसक्ने प्रहरीको प्रारम्भिक अनुमान छ ।