बिजुलीको उज्यालो अब देशकै उज्यालो बन्ने दिशामा छ : प्रधानमन्त्री

काठमाडौं,१० पुस । प्रधानमन्त्री पुष्पकमल दाहाल ‘प्रचण्ड’ले बिजुलीको उज्यालो अब देशकै उज्यालो बन्ने दिशामा रहेको बताएका छन् । यसलाई उनले लोकतन्त्रको महत्वपूर्ण उपलब्धि भएको समेत बताएका छन् ।

आफ्नो नेतृत्वको सरकारले एक वर्ष कार्यकाल पूरा भएको अवसरमा देशबासीका नाममा सम्बोधन गर्दै प्रधानमन्त्री प्रचण्डले नेपाली समाजमा अत्यन्त चिन्ताजनक रूपमा चारैतिर हिनताबोध र नकारात्मकताको डढेलो लगाइँदै गरेको उल्लेख गर्दै ऊर्जा क्षेत्रमा भएको क्रान्तिले मात्रै पनि लोकतन्त्रको भविष्यलाई थप उज्यालो बनाएको बताए ।