काठमाडौँ,०६ असोज । नेपाली सेनामा बढुवा भएका चार जना सैनिक अधिकारीलाई दर्ज्यानी चिह्न प्रदान गरिएको छ । सैनिक मुख्यालय जंगी अड्डामा आयोजित कार्यक्रममा बढुवा भएका सैनिक अधिकारीलाई प्रधानसेनापति अशोकराज सिग्देलले दर्ज्यानी चिह्न प्रदान गर्नुभएको हो ।
गत ३१ भदौमा सहायक रथीबाट उपरथीमा बढुवा भएका सोवेन्द्र सिंह महत र प्रकाश थापालाई प्रधानसेनापति सिग्देलले दर्ज्यानी चिह्न प्रदान गर्नुभएको नेपाली सेनाले जनाएको छ । बढुवासँगै नयाँ जिम्मेवारी सम्हाल्न लागेका दुवै अधिकारीलाई सैनिक परम्पराअनुसार प्रधानसेनापतिबाट नयाँ दर्ज्यानी चिह्न प्रदान गरिएको हो । नेपाली सेनामा बढुवा भएका अधिकृतलाई औपचारिक रूपमा नयाँ दर्जाको चिह्न प्रदान गर्ने प्रचलन रहेको छ ।
त्यसैगरी महासेनानीबाट सहायक रथीमा बढुवा भएका मदन जंग राणालाई पनि प्रधानसेनापति सिग्देलले दर्ज्यानी चिह्न प्रदान गर्नुभएको छ । प्राविधिक महासेनानीबाट सहायक रथीमा बढुवा भएका भरतलाल श्रेष्ठलाई समेत कार्यक्रममा नयाँ दर्ज्यानी चिह्न प्रदान गरिएको छ । चारै जना सैनिक अधिकारीको बढुवा भएपछि आयोजित कार्यक्रममा उनीहरूलाई नयाँ दर्जाअनुसारको जिम्मेवारी निर्वाह गर्न औपचारिक रूपमा दर्ज्यानी चिह्न प्रदान गरिएको हो ।
सैनिक मुख्यालय जंगी अड्डामा भएको कार्यक्रममा नेपाली सेनाका सम्बन्धित अधिकारी तथा अन्य सैनिक कर्मचारीको उपस्थिति रहेको थियो । दर्ज्यानी चिह्न प्रदानसँगै बढुवा भएका सैनिक अधिकारीहरूले नेपाली सेनामा आफ्नो नयाँ जिम्मेवारी सम्हाल्नेछन् ।