बारा,१२ फागुन । बारागढी गाउँपालिका वडा नम्बर १, बुधगाइ टोलमा चुनावी गतिविधि जोरोमा पुगेको छ। राष्ट्रिय स्वतन्त्र पार्टी (रास्वपा) बाट बारा क्षेत्र नम्बर १ का प्रतिनिधिसभा सदस्य उम्मेदवार गणेश धिमालले आफ्नो प्रचारप्रसार अभियान तीव्र बनाउँदै मतदातासँग प्रत्यक्ष संवाद सुरु गरेका छन्। धिमालले बुधगाइ टोलमा घरदैलो कार्यक्रममार्फत स्थानीयवासीसँग भेटघाट गरेका छन्। घरघर पुगेर उनले स्थानीय बासिन्दाका समस्या, गुनासा र सुझाव सुन्न पाएका थिए। यस अभियानले ग्रामीण भेगमा बासिन्दा भोगिरहेका दैनिक चुनौतीहरू उजागर गर्ने अवसर दिएको छ।
स्थानीयहरूको भनाइअनुसार बुधगाइ टोलमा विशेष गरी खानेपानी, शिक्षा, स्वास्थ्य र कृषि क्षेत्रमा गम्भीर समस्या रहेको छ। शिक्षा क्षेत्रमा पर्याप्त शिक्षक नहुनु, विद्यालयको भौतिक संरचना कमजोर हुनु र शैक्षिक गुणस्तर सुधार आवश्यक हुनु यहाँका प्रमुख चुनौतीहरू हुन्। धिमालले यी समस्याहरू सुधार गर्न दीर्घकालीन योजना ल्याउने प्रतिवद्धता जनाएका छन्। स्वास्थ्य सेवामा पनि चुनौतीहरू देखिएका छन्। नजिकै पर्याप्त स्वास्थ्य चौकी नहुँदा सामान्य उपचारका लागि नागरिकले सदरमुकाम कलैया वा पर्सा जिल्ला, वीरगंज धाउनुपर्ने बाध्यता रहेको उनीहरूले बताए। औषधी र स्वास्थ्यकर्मीको अभावले जेष्ठ नागरिक, गर्भवती महिला र बालबालिकालाई थप समस्या परेको स्थानीयहरूले उल्लेख गरेका छन्।
कृषि क्षेत्रमा पनि चुनौतीहरू छन्। यहाँको अधिकांश जनसंख्या कृषिमा आधारित भए पनि सिँचाइ अभाव, मलबीउको समयमा उपलब्धता नहुनु र आधुनिक प्रविधिको कमीका कारण उत्पादन घटिरहेको देखिएको छ। किसानहरूले बजार व्यवस्थापनमा पारदर्शिता र सरकारी सहायता सहज हुने वातावरणको माग गरेका छन्। कार्यक्रमका क्रममा उम्मेदवार धिमालले मतदाताबाट उठाइएका समस्याको निरन्तर सुनुवाइ गर्दै आफू नीतिगत स्थानमा पुगेपछि दीर्घकालीन समाधानका पहल गर्ने विश्वास व्यक्त गरे। उनले ग्रामीण क्षेत्रमा आधारभूत स्वास्थ्य सेवा विस्तार गर्ने, शिक्षा क्षेत्रमा आवश्यक बजेट व्यवस्थापन र अनुगमन प्रणाली मजबुत बनाउने, कृषकका लागि सिँचाइ योजना, सहुलियत ऋण र आधुनिक कृषि प्रविधि विस्तार गर्ने, तथा स्वास्थ्य संस्थामा औषधी र चिकित्सक अभाव पुरा गर्ने प्रतिबद्धता जनाए।
धिमालले घरदैलो अभियानको क्रममा “जनताको समस्या नै मेरो एजेन्डा हो” भन्दै विकासका मुद्दालाई केन्द्रमा राखेर अघि बढ्ने स्पष्ट पारे। उनले पारदर्शिता, जवाफदेहिता र सुशासनलाई प्राथमिकता दिने प्रतिवद्धता दोहोर्याए। स्थानीय युवाहरूले पनि रोजगारी सिर्जना र सीपमूलक तालिम कार्यक्रम सञ्चालन गर्नुपर्ने माग राखेका थिए। संगठन सुदृढीकरणको उद्देश्यका साथ बुधगाइ टोल निवासी बिजेन्दर प्रसाद चौधरी संयोजक र क्रिपाल चौधरी उपसंयोजक बनाएर राष्ट्रिय स्वतन्त्र पार्टीको प्रचार-प्रसार समिति गठन गरिएको छ। समितिको गठनसँगै पार्टी गतिविधि थप सक्रिय र व्यवस्थित हुने विश्वास गरिएको छ।
समितिका संयोजक राजधारी शर्माले नयाँ राजनीतिक संस्कार र सुशासनको आवश्यकता औंल्याउँदै मतदातालाई धिमाललाई समर्थन गर्न आग्रह गरे। उनले पिपरा टोलको समग्र विकासका लागि साझा पहल आवश्यक रहेको र आगामी चुनाव विकास र उत्तरदायित्वको आधारमा हुनुपर्नेमा जोड दिए। विशेष रूपमा, बुधगाइ टोलमा हालै १०० जना नयाँ कार्यकर्ता राष्ट्रिय स्वतन्त्र पार्टीमा प्रवेश गरेका छन्। यस घटनाले निर्वाचन अभियानलाई अझ गतिशील बनाएको छ। घरदैलो अभियान र संगठन सुदृढीकरणसँगै पार्टीको पहुँच स्थानीय तहमा व्यापक रूपमा फैलिएको देखिन्छ।
धिमालको अभियानले समस्याको पहिचान, विकास र पारदर्शितालाई केन्द्रमा राख्दै मतदातासँग विश्वासको पुल निर्माण गर्ने प्रयास गरिरहेको छ। प्रत्यक्ष संवाद, समस्याको पहिचान र विकास प्रतिबद्धतासहितको अभियानले आगामी निर्वाचनमा ठूलो प्रभाव पार्ने अनुमान गरिएको छ। स्थानीय बासिन्दा र युवाहरूको उत्साह, नयाँ सदस्यको प्रवेश र घरदैलो अभियानको गति हेर्दा बुधगाइ टोलमा चुनावी माहोल चरममा पुगेको देखिन्छ। यसले मतदातामा जागरूकता र राजनीतिक सक्रियता बढाएको छ।
धिमालको अभियानले स्थानीय विकासका प्राथमिकताहरूलाई केन्द्रमा राख्दै प्रत्यक्ष संवादको नयाँ संस्कृति स्थापना गरेको छ। यसले आगामी चुनावमा विकास, पारदर्शिता र उत्तरदायित्वको आधारमा मतदाता निर्णयलाई सघाउने विश्वास गरिएको छ। बुधगाइ टोलमा घरदैलो अभियान, युवा सहभागिता, संगठन सुदृढीकरण र नयाँ कार्यकर्ताको प्रवेशसँगै रास्वपाको प्रचार-प्रसार अझ प्रभावकारी भएको छ। आगामी निर्वाचनमा यो क्षेत्र राजनीतिक रूपमा निर्णायक भूमिका खेल्ने अनुमान गरिएको छ।