जनकपुर,०५ माघ । राष्ट्रिय स्वतन्त्र पार्टी (रास्वपा)का वरिष्ठ नेता बालेन शाहले आफू भाषणभन्दा काममा विश्वास गर्ने नेता भएको बताएका छन्।
रास्वपाले सोमबार जनकपुरधाममा आयोजना गरेको चुनावी सभालाई सम्बोधन गर्दै शाहले भने, “म काम गर्ने मान्छे हुँ, भाषण होइन। काम गरेको हेर्न चाहनुहुन्छ?”
काठमाडौं महानगरपालिकाको प्रमुखमा निर्वाचित भएपछि आफूले काम गरेर देखाइसकेको उल्लेख गर्दै उनले भने, “काठमाडौंबासीले मेरो काम देखिसकेका छन्। अब यहाँहरू पनि मेरो काम हेर्न चाहनुहुन्छ?”
रास्वपाले बालेनलाई अगामी फागुन २१ गते हुने प्रतिनिधि सभा निर्वाचनमा प्रधानमन्त्रीकाे उम्मेदवार अगाडी सारेकाे छ ।उनको अभिव्यक्तिले विकास र परिणाममुखी नेतृत्वप्रति आफू प्रतिबद्ध रहेको सन्देश दिएको सहभागीहरूले बताएका छन्।