बीरगंज,०९ चैत । पर्साको पर्सागढि नगरपालिकामा रुखबाट खसेर एकजनाको मृत्यु भएको छ । नगरपालिकाको वडा नम्बर ३ बडनिहारमा रुखबाट खसेर एक जना वृद्धको मृत्यु भएको हो ।
चैत्र १ गते घर नजिकैको जङगलमा घाँस काट्ने क्रममा ६१ वर्षीय लालमान तामाङ्ग रुखबाट खसेर घाइते भएका थिए । घाइते उनलाई उपचारका लागि बीरगन्जको नेशनल मेडिकल कलेजमा उपचार गरी घर लगिएको थियो । तर उनको सामान्य नभएकाले भोलिपल्ट उपचारको लागि निलकण्ठ अस्पताल बीरगन्ज पु¥याइयो ।
दिनप्रतिदिन उनको अवस्था बिग्रदै गएकाले ७ गते बुधबार काठमाडौं रिफर गरिएकोमा बाटोमै मृत्यु भएको हो ।
मृतकको शव पोष्टमार्टमका लागि नारायणी अस्पतालमा पठाइएको इलाका प्रहरी कार्यालय पटेर्वासुगौलीका प्रहरी निरिक्षक रामराजा केसरीले बताए ।