वीरगंज,१८ फागुन । पर्साको पटेर्वासुगौली गाउँपालिकामा बाघकाे आक्रमणबाट पुन: एक युवक घाइत भएका छन् ।
पटेर्वा सुगौली गाउँपालिका वडा नम्बर २ लक्ष्मिपुरमा बाघको आक्रमणबाट स्थानीय २२ वर्षीय सरोज प्रसाद अधिकारी घाइते भएका हुन् । बाघले बाख्रालाई मारेको खबर थाहा पाएसँगै बाघ धपाउन पुगेका युवाको समूह मध्येका सरोजलाई बाघले आक्रमण गरेको प्रहरीले जनाएको छ ।
ईलाका प्रहरी कार्यालय पटेर्वासुगौली र प्रहरी चौकी रंगपुर टाडीसहितको टोलीले घाइते सराेजकाे उद्धार गरेको हो ।
घाइते सराेजकाे श्रीपुरस्थित स्वास्थ्य चौकीमा प्राथमिक उपचार गरि थप उपचारकाे लागि वीरगंजस्थित नारायणी अस्पतालमा पठाइएको थियाे ।
केही दिन पहिला मात्र पटेर्वा सुगाैली मै बाघकाे आक्रमणबाट एक जनाकाे ज्यान गएकाे थियाे । त्यसकाे केही दिन मै मेरी अर्काे युवक बाघकाे आक्रमणमा परि घाइते भएकाे पटेर्वा सुगाैली गाउँपालिका वडा नं. २ का वडाध्यक्ष विजय गैरेले वताए ।
बाघकाे आक्रमणका कारण नजिकका गाउँलेमा अझ बढी त्रास बढेको वताउँदै उनले जति सक्दो चाढो बाघको नियन्त्रण गर्नका लागि सम्बन्धित निकायमा पुन: अनुरोध समेत गरेका छन् । उनले यस तर्फ सम्बन्धित निकुञ्जको ध्यान आक्रषण समेत गराएका छन् ।