काठमाडौं,०७ मंसिर । काठमाडौं उपत्यकामा चिसो लगातार बढ्दै गएसँगै न्यूनतम तापक्रम ८ डिग्री सेल्सियसभन्दा तल झरेको छ। आइतबार बिहान उपत्यकाको न्यूनतम तापक्रम ७.८ डिग्री सेल्सियस पुगेको मौसम पूर्वानुमान महाशाखाले जनाएको छ।
शुक्रबार ११ डिग्री रहेको तापक्रम शनिबार एकैचोटि घटेर ८.५ डिग्रीमा पुगेको थियो। आज आइतबार बिहान ५:४५ बजे मापन गरिएको तापक्रम ७.८ डिग्री देखिएको मौसमविद् सञ्जीव अधिकारीले जानकारी दिएका छन्।
मौसम महाशाखाले दैनिक रूपमा काठमाडौंसहित देशभरि न्यूनतम र अधिकतम तापक्रम मापन गर्दै आएको छ। न्यूनतम तापक्रम बिहान ८:४५ बजे र अधिकतम साँझ ५:४५ बजे मापन गरिने मौसमविद्हरू बताउँछन्।
आगामी दिनहरूमा चिसो अझै बढ्ने अनुमान गरिएको छ।