वीरगंज,०३ भदौ । बाराको परवानीपुर गाउँपालिका–५ बहुअरीमा पिकअप गाडीको ठक्करबाट ९० वर्षीय पैदलयात्रीको मृत्यु भएको छ।
प्र.२–०३–००१ च १७९४ नम्बरको पिकअपले ठक्कर दिँदा सोही स्थानका कुवर राउत कुर्मी गम्भीर घाइते भएका थिए। उनलाई उपचारका लागि बयोधा अस्पताल वीरगञ्ज लगिएको थियो, तर उपचारका क्रममा सोमबार साँझ उनको मृत्यु भएको प्रहरीले जनाएको छ।
पिकअप चालक ठक्कर दिएर फरार भएका छन्। प्रहरीले हाल चालकको खोजी कार्य जारी राखेको प्रहरी कार्यालय परवानीपुरले जानकारी दिएको छ।
घटनाको सम्बन्धमा थप अनुसन्धान भइरहेको छ।