बीरगन्ज,१७ कार्तिक । पर्साको पटेर्वा सुगौली गाउँपालिका वडा नम्बर २ बेल्वाबाट वन गस्ती टोलीले साईकल सहित ३ थान सालको काठ बरामद गरेको छ ।
सब डिभिजन बन कार्यालय रंगपुरटाडीबाट जम्दार अर्जुन चौधरीको नेतृत्व खटिएको गस्ती टोलीले उक्त सालको गोलिया बरामद गरेको हो ।
उक्त काठ २९ क्युफिट रहेको र काठको बजार मुल्य १ लाख ४० हजार पर्ने रेन्जर कपिलदेव यादवले बताए । गादी, चाभी, थरहठी घाटबाट राष्ट्रिय बन कटान गरि काँचो सालको गोलिया देउरबना तर्फ लगिदै गर्दा गस्ती टोलीलाई देखेर उनीहरु फरार भएको जम्दार चौधरीले बताए ।
काठको चोरीतस्करीमा प्रयोग गरिएको ३ थान साईकल पनि नियन्त्रणामा लिइएको जम्दार चौधरीले बताए ।