कात्तिक,१५ काठमाडौं । आईसीसी विश्व क्रिकेट लिग–२ अन्तर्गत यूएईमा जारी एकदिवसीय (ओडिआई) शृंखलाको तेस्रो खेलमा नेपाल आज अमेरिकासँग भिड्दै छ।
दुबईस्थित आईसीसी एकेडेमीमा हुने खेल नेपाली समय अनुसार विहान ११:१५ बजे (सवा ११ बजे) सुरु हुनेछ।
यसअघि नेपालले शृंखलामा खेलेका दुवै खेलमा पराजय व्यहोरेको छ। पहिलो खेलमा नेपाल अमेरिकासँग १०६ रनले पराजित भएको थियो भने दोस्रो खेलमा यूएईसँग ५ विकेटले हार बेहोरेको थियो।
लगातार दुई हारपछि नेपालमाथि अब बाँकी दुवै खेल जित्ने दबाब छ।
अर्कातर्फ, अमेरिकाले भने नेपाल र यूएई दुवैलाई हराउँदै उत्कृष्ट प्रदर्शन गरिरहेको छ। लिग २ को तालिकामा अमेरिका २२ खेलबाट ३२ अंकसहित शीर्ष स्थानमा छ भने नेपाल १८ खेलबाट १२ अंकसहित सातौं स्थानमा रहेको छ।
नेपालका लागि आजको खेल लिग–२ मा आफ्नो स्थान सुधार गर्ने निर्णायक अवसरका रूपमा रहेको छ।