पहिरोले अवरुद्ध नारायणगढ–मुग्लिन सडक सञ्चालनमा

चितवन,०१ असोज । नारायणगढ–मुग्लिन सडकखण्ड पुनः सञ्चालनमा आएको छ। मंगलबार राति इच्छाकामना गाउँपालिका–४ घोप्टेभिर, वडा नं ५ तुइनखोला र वडा नं ६ नाम्सीखोलामा पहिरो खस्दा सडक अवरुद्ध भएको थियो।

जिल्ला ट्राफिक प्रहरी कार्यालय चितवनका प्रमुख प्रहरी निरीक्षक गायत्री शर्माका अनुसार बिहान ९:१० बजेदेखि सडक सञ्चालनमा आएको हो। बिहान ६:०० बजेदेखि सुरु गरिएको पहिरो पन्छाउने काम तीनवटा एक्साभेटर प्रयोग गरी सम्पन्न गरिएको प्रहरीले जनाएको छ।

सडक खुल्नासाथ अवरुद्ध सवारीसाधन गन्तव्यतर्फ लागेका छन्।