काठमाडौँ,२० असोज । नेपाली कांग्रेसका सभापति गगनकुमार थापाले पार्टीको १५औँ महाधिवेशनमा पुनः सभापति पदका लागि उम्मेदवारी दर्ता गराउनुभएको छ। उहाँले आज राष्ट्रिय सभागृहमा पुगेर सभापति पदमा आफ्नो उम्मेदवारी दर्ता गराउनुभएको हो।
पार्टीको १५औँ महाधिवेशनअन्तर्गत नेतृत्व चयनका लागि उम्मेदवारी दर्ता गर्ने क्रममा सभापति थापाले पुनः सभापति पदमा उम्मेदवारी दर्ता गराउनुभएको हो। उहाँको उम्मेदवारीसँगै कांग्रेसको महाधिवेशनमा सभापति पदका लागि हुने प्रतिस्पर्धा थप चासोको विषय बनेको छ।
यसैबीच, नेपाली कांग्रेसको निर्वाचन समितिले वर्षाका कारण उम्मेदवारी दर्ताका लागि निर्धारित समय थप गरेको छ। वर्षाका कारण महाधिवेशनस्थलसम्म आउन तथा उम्मेदवारी दर्ता प्रक्रियामा सहभागी हुन असहज अवस्था उत्पन्न भएपछि निर्वाचन समितिले समय बढाएको हो।
निर्वाचन समितिले उम्मेदवारी दर्ताका लागि तोकिएको समयलाई थप गर्दै आज बेलुकी ७ः०० बजेसम्म पुर्याएको जनाएको छ। समय थप भएसँगै सभापति, पदाधिकारी तथा अन्य विभिन्न पदमा उम्मेदवारी दिन इच्छुक महाधिवेशन प्रतिनिधिहरूलाई थप समय उपलब्ध भएको छ।