वीरगंज,२४ मंसिर । नेपालमा बुधबार सुन–चाँदीको भाउमा पुनः वृद्धि भएको छ। अघिल्लो दिनको तुलनामा चाँदी प्रतितोला १५० रुपैयाँले महँगिएको नेपाल सुनचाँदी व्यवसायी महासंघले जनाएको छ।
अघिल्लो दिन प्रतितोला ३ हजार ६ सय रुपैयाँमा कारोबार भएको चाँदी आज बढेर ३ हजार ७५० रुपैयाँ पुगेको छ। यसअघि गत बुधबार चाँदीको भाउले ३ हजार ६५५ रुपैयाँको उच्चतम रेकर्ड बनाएको थियो।
यस्तै, सुनको भाउ पनि बढेको छ। अघिल्लो दिन प्रतितोला २ लाख ५१ हजार ९ सय रुपैयाँमा कारोबार भएको छापावाल सुन आज बुधबार २ लाख ५२ हजार १ सय रुपैयाँ पुगेको महासंघले जानकारी दिएको छ।
तर सुनको मूल्य भने गत असोज ३१ गते बनेको उच्चतम रेकर्ड नाघ्न सकेको छैन। उक्त दिन सुन प्रतितोला २ लाख ५८ हजार रुपैयाँमा कारोबार भएको थियो।