काभ्रेपलाञ्चोक,३० पुस । नेपाल एसबीआई बैंक घ्याङलेख–२ बस्तीपुर, हायुटार शाखामा मंगलबार राति भएको लुटपाटमा संलग्न रहेको आरोपमा चार जना पक्राउ परेका छन्।
जिल्ला प्रहरी कार्यालय सिन्धुलीका प्रमुख एसपी लालध्वज सुवेदीका अनुसार घ्याङलेख–१ सुकाचुरी क्षेत्रबाट स्थानीयवासीको सहयोगमा उनीहरूलाई नियन्त्रणमा लिइएको हो। “चार जना पक्राउ परेका छन्, थप अनुसन्धान जारी छ,” एसपी सुवेदीले जनकारी दिए ।
मंगलबार राति पाँच÷छ जनाको समूहले बैंकमा धावा बोलेर ३ करोड १० लाख ९५ हजार २८३ रुपैयाँ लुटेका थिए।
लुटिएको रकममध्ये १ करोड ८० लाख १० हजार ५०० रुपैयाँ प्रहरीले विभिन्न स्थानमा खोजतलास गर्दा स्थानीयको सहयोगमा बरामद गरेको जनाएको छ।