प्रदेश स्तरीय फोटोपत्रकारिता अवार्ड २०२२ मा मधेस प्रदेश उत्कृष्ट फोटोपत्रकारिता विधाका लागि नोमिनेशनमा पर्न सफल उत्कृष्ट ५ जना फोटो पत्रकारहरु छनौट भएका छन । जसमध्ये पर्साका चार जना छनौट भएका छन । पर्साबाट कान्तिपुर टेलिभिजनमा कार्यरत पंकज श्रेष्ठ, नयाँ पत्रिका दैनिकमा कार्यरत तिवारी यादव, ग्यालेक्सी टेलिभिजनमा कार्यरत जियालाल प्रसाद साह र मध्य नेपालकी कबिता खड्का छनौट भएको आयोजक राष्ट्रिय फोटो पत्रकार समूह (एनएफपीजे नेपाल) का कार्यक्रम संयोजक प्रदिपराज वन्तले जानकारी दिए ।
उक्त मनोनयनमा पर्ने उत्कृष्ट ५ मध्यवाट प्रत्येक विधामा १ जनालाई उत्कृष्ट फोटो पत्रकारिता अवार्ड २०२२ वाट यही २०७९ साल असोज ६ गते संस्थाको २५औं वार्षिकोत्सव समारोह आयोजना गरी अवार्ड वितरण गरिने उनले बताए ।
उक्त कार्यक्रममा फोटो पत्रकारितालाई जीवनभर पेशाको रुपमा अंङगालेर हाल निवृत्त जीवन व्यतिथगरि रहनु भएका अग्रज सस्थापक सदस्यहरुलगायत २५ जना वरिष्ठ फोटोपत्रकारहरुलाई विशेष सम्मान गर्न लागिएको कार्यक्रम संयोजक वन्तले बताए । साथै उक्त कार्यक्रममा अन्य विधिन्न विधाका पुरस्कारहरु पनि वितरण गरिनेछ ।