रौतहट(दिपही)०८ साउन । मधवपुर नारायण नगरपालिका–१, दिपही बजारमा आधुनिक सुविधा सम्पन्न ‘सञ्चो डेन्टल क्लिनिक’ औपचारिक रूपमा सञ्चालनमा आएको छ। आधुनिक प्रविधि, अनुभवी दन्त चिकित्सक तथा गुणस्तरीय स्वास्थ्य सेवामार्फत स्थानीय बासिन्दालाई सहज, भरपर्दो र प्रभावकारी दन्त उपचार उपलब्ध गराउने उद्देश्यका साथ क्लिनिकको शुभारम्भ गरिएको हो।
क्लिनिक सञ्चालनमा आएसँगै अब दाँत तथा मुखसम्बन्धी सामान्यदेखि जटिल समस्याको उपचारका लागि टाढाका सहर धाउनुपर्ने बाध्यता अन्त्य हुने विश्वास गरिएको छ। ग्रामीण क्षेत्रका नागरिकले आफ्नै स्थानमा विशेषज्ञ चिकित्सकबाट आधुनिक उपकरणको प्रयोगसहित गुणस्तरीय उपचार सेवा प्राप्त गर्न सक्नेछन्। यसले स्थानीय बासिन्दाको समय, खर्च र यात्राको झन्झटसमेत उल्लेखनीय रूपमा कम गर्ने अपेक्षा गरिएको छ।
सञ्चो डेन्टल क्लिनिकमा दाँतसम्बन्धी सम्पूर्ण उपचार सेवा एकै छानामुनि उपलब्ध गराइएको छ। क्लिनिकमा ओपिडी दर्ता, दाँतको एक्स–रे (आईओपिएआर), दाँत सफा गर्ने (स्केलिङ), जीआईसी तथा कम्पोजिट फिलिङ, रुट क्यानाल (आरसीटी) तथा पुनः रुट क्यानाल उपचार, बच्चाको दाँतको पल्पेक्टोमी, मेटल, पीएफएम तथा जिरकोनिया क्राउन, निकाल्न मिल्ने कृत्रिम दाँत (आरपीडी), माथिल्लो र तल्लो दुवै जबडाको पूर्ण डेन्चर, पोस्ट तथा कोर उपचार, बच्चाको दाँत, स्थायी दाँत र बुद्धिबङ्गारा (अक्कल दाँत) निकाल्ने सेवा, शल्यक्रियामार्फत दाँत निकाल्ने सेवा, साथै निकाल्न मिल्ने तथा स्थायी ब्रेसेसद्वारा दाँत मिलाउने (अर्थोडोन्टिक) उपचार उपलब्ध रहेको क्लिनिकका सञ्चालक सरोज कुमार साह ले जानकारी दिए।
उनका अनुसार प्रत्येक बिरामीको अवस्थाअनुसार आधुनिक प्रविधि र वैज्ञानिक विधिको प्रयोग गरी सुरक्षित, प्रभावकारी तथा गुणस्तरीय उपचार प्रदान गरिनेछ। स्थानीय नागरिकलाई सहज, सुलभ र भरपर्दो दन्त स्वास्थ्य सेवा उपलब्ध गराउँदै मुख तथा दाँतको स्वास्थ्य सुधारमा योगदान पुर्याउने लक्ष्यका साथ क्लिनिक सञ्चालनमा ल्याइएको उनले बताए।
उद्घाटनको विशेष अवसरलाई लक्षित गर्दै सञ्चो डेन्टल क्लिनिकले सबै प्रकारका दन्त उपचार सेवामा एक सातासम्म ५० प्रतिशत विशेष छुटको व्यवस्था गरेको पनि सञ्चालक साहले जानकारी दिएका छन्। उनले स्थानीयवासीलाई यो विशेष सुविधाको अधिकतम लाभ उठाउँदै नियमित दन्त परीक्षण गराउन तथा समयमै आवश्यक उपचार सेवा लिन आग्रह गरेका छन्।
दिपही बजारसँगै आसपासका गाउँ तथा बस्तीका नागरिकले अब आफ्नै क्षेत्रमा विशेषज्ञ दन्त उपचार सेवा प्राप्त गर्न सक्ने भएकाले दन्त स्वास्थ्य सेवामा पहुँच थप सहज हुने विश्वास गरिएको छ। आधुनिक उपकरण, अनुभवी चिकित्सकीय सेवा र आकर्षक उद्घाटन छुटसहित सञ्चालनमा आएको सञ्चो डेन्टल क्लिनिकले स्थानीयस्तरमै गुणस्तरीय दन्त उपचारको नयाँ विकल्पका रूपमा सेवा प्रदान गर्ने अपेक्षा गरिएको छ।