काठमाडौँ,०९ असोज । ऊर्जा, जलस्रोत तथा सिँचाइ, सहरी विकास र भौतिक पूर्वाधार तथा यातायात मन्त्रालयमा देखिएका ढिलासुस्ती, मोलमोलाहिजा र भ्रष्टाचारजन्य गतिविधि रोक्न अब हटलाइन नम्बर सञ्चालनमा आएको छ।
मन्त्रालयका विभाग, आयोजना तथा मातहत कार्यालयमा सेवाग्राहीलाई काम पन्छाउने, घुस÷रिसवत माग्ने, अनावश्यक दुःख दिने वा अपमानजनक व्यवहार गर्ने गतिविधि भएमा प्रत्यक्ष गुनासो दिन सकिने व्यवस्था गरिएको छ।
ऊर्जा, जलस्रोत तथा सिँचाइ मन्त्रालयसँग सम्बन्धित गुनासोका लागि टेलिफोन नम्बर ०१–४२११५११ र हटलाइन ११५१ प्रयोग गर्न सकिनेछ। सहरी विकास मन्त्रालयका लागि ०१–४२०००१ र भौतिक पूर्वाधार तथा यातायात मन्त्रालयका लागि ०१–४२११७२ नम्बरमा सम्पर्क गर्न सकिने जानकारी दिइएको छ।
तीन मन्त्रालयमा गुनासोहरू gunaso.minister@gmail.com मार्फत पनि पठाउन सकिने व्यवस्था मिलाइएको छ।