इशनाथ (रौतहट), ८ असार । रौतहटको ईशनाथ नगरपालिकाको १३औँ नगरसभा सोमबार सम्पन्न भएको छ। नगर प्रमुख कौशल्या देवीको प्रमुख आतिथ्यता तथा उपनगर प्रमुखको विशेष उपस्थितिमा सम्पन्न नगरसभामा आगामी आर्थिक वर्षका नीति, कार्यक्रम तथा विकास योजनाबारे विस्तृत छलफल गरिएको हो।
नगरपालिकाको सभाहलमा आयोजित नगरसभामा प्रमुख प्रशासकीय अधिकृत महम्मद नवाज हुसेन, सम्पूर्ण वडाका वडाध्यक्ष, कार्यपालिका सदस्य, विभिन्न राजनीतिक दलका प्रतिनिधि, कर्मचारी, पत्रकार तथा अन्य सरोकारवाला व्यक्तिहरूको उल्लेखनीय सहभागिता रहेको थियो। नगरसभाले आगामी आर्थिक वर्षका लागि नगरपालिकाले सञ्चालन गर्ने विकास तथा सेवा प्रवाहसम्बन्धी कार्यक्रमहरूबारे गहन समीक्षा र छलफल गरेको जनाएको छ।
सभामा शिक्षा, स्वास्थ्य, कृषि, सडक पूर्वाधार, खानेपानी, सरसफाइ तथा सामाजिक विकासका क्षेत्रलाई प्राथमिकतामा राखेर सहभागीहरूले आ–आफ्ना सुझाव, धारणा तथा अपेक्षाहरू प्रस्तुत गरेका थिए। नगरवासीको जीवनस्तर सुधार, आधारभूत सेवाको पहुँच विस्तार तथा दिगो विकास सुनिश्चित गर्ने उद्देश्यले विभिन्न योजनामाथि विस्तृत बहस भएको नगरपालिकाले जनाएको छ।
नगरको समग्र विकासलाई प्रभावकारी र परिणाममुखी बनाउने लक्ष्यसहित विभिन्न विकास योजनाहरूको समीक्षा गरिएको थियो। सहभागीहरूले विकास निर्माणका कार्यलाई थप व्यवस्थित, पारदर्शी र जनउत्तरदायी बनाउन आवश्यक सुझावहरू समेत दिएका थिए।
कार्यक्रमलाई सम्बोधन गर्दै नगर प्रमुख कौशल्या देवीले नगरवासीको आवश्यकता, चाहना र अपेक्षालाई केन्द्रमा राखेर विकास निर्माणका कार्यक्रमहरूलाई प्राथमिकताका साथ कार्यान्वयन गरिने बताइन्। उनले स्थानीय सरकारप्रति नागरिकको विश्वास अझ सुदृढ बनाउन पारदर्शिता, सुशासन र जवाफदेहितालाई उच्च प्राथमिकता दिइने उल्लेख गरिन्।
उनले नगरपालिकाले शिक्षा, स्वास्थ्य, कृषि, पूर्वाधार तथा सामाजिक विकासका क्षेत्रमा प्रभावकारी कार्यक्रम सञ्चालन गर्दै समृद्ध र विकसित ईशनाथ निर्माणका लागि निरन्तर काम गरिरहेको बताइन्। साथै आगामी दिनमा जनप्रतिनिधि, कर्मचारी, राजनीतिक दल, सञ्चार क्षेत्र तथा नागरिक समाजबीचको सहकार्यलाई अझ मजबुत बनाउँदै विकास अभियानलाई अगाडि बढाइने प्रतिबद्धता व्यक्त गरिन्।
नगरसभामा विभिन्न राजनीतिक दलका नेता, जनप्रतिनिधि, कर्मचारी, सञ्चारकर्मी तथा अन्य पदाधिकारीहरूको सक्रिय सहभागिता रहेको थियो। आपसी सहकार्य, सकारात्मक सोच र विकासप्रतिको साझा प्रतिबद्धताका बीच सम्पन्न नगरसभाले आगामी आर्थिक वर्षका विकास योजनाको प्रभावकारी कार्यान्वयनका लागि महत्वपूर्ण मार्गनिर्देशन गरेको विश्वास नगरपालिकाले लिएको छ।
नगरपालिकाका अनुसार नगरसभामा उठेका सुझाव तथा निष्कर्षलाई आगामी नीति, कार्यक्रम र योजनाको कार्यान्वयन प्रक्रियामा समेट्दै स्थानीय आवश्यकताअनुरूप विकासका कार्यक्रमहरू अगाडि बढाइनेछ। नगरसभाले समावेशी विकास, सुशासन र जनमुखी सेवा प्रवाहलाई थप सुदृढ बनाउने दिशामा महत्वपूर्ण आधार तयार गरेको सहभागीहरूको धारणा रहेको छ।
